Home Manşet Şoyqu: Rusiyanın fəaliyyəti heç vaxt Azərbaycana qarşı yönəlməyib və indi də yönəlmir

Şoyqu: Rusiyanın fəaliyyəti heç vaxt Azərbaycana qarşı yönəlməyib və indi də yönəlmir

579
0
SHARE

Rusiya Cənubi Qafqazda gərginliyin artmasında maraqlı deyil və onun fəaliyyəti bu bölgədəki üçüncü ölkələrə qarşı yönəlməyib.

Trend-in TASS-a istinadən məlumatına görə, bu barədə Rusiyanın müdafiə naziri Sergey Şoyqu Azərbaycanın müdafiə naziri Zakir Həsənovla görüşündə bildirib.

Rusiyanın müdafiə naziri bildirib: “Fəaliyyətimiz heç vaxt qonşumuz və tərəfdaşımız olan Azərbaycana qarşı yönəlməyib və indi də yönəldilmir. Rusiya Cənubi Qafqazda gərginliyin artmasında maraqlı deyil”.

S.Şoyqu deyib ki, Rusiya və Azərbaycan koronavirus pandemiyası səbəbindən azalan əvvəlki əməkdaşlıq tempinə bu il və ya qarşıdakı il qayıdacaq.

O, qeyd edib ki, koronavirus xəstəliyinə baxmayaraq, azərbaycanlı mütəxəssislərin hazırlanması sahəsində əməkdaşlıq inkişaf edir.