Slovakiya post-münaqişə dövründə Azərbaycanı dəstəkləməyə hazırdır.
Trend-in məlumatına görə, bunu Slovakiyanın Xarici və Avropa İşləri naziri İvan Korçok xarici işlər naziri Ceyhun Bayramovla birgə mətbuat konfransında deyib.
Onun sözlərinə görə, Slovakiya Azərbaycan, Rusiya və Ermənistan arasında əldə olunmuş üçtərəfli razılaşmanı dəstəkləyir.
Nazir bildirib ki, onun ölkəsi Azərbaycanla müxtəlif sahələrdə ikitərəfli münasibətlərin inkişafını davam etdirmək niyyətindədir.
