Home Cəmiyyət Millət vəkili Musa Urud yeni şeirini təqdim etdi: “QARABAĞ AZƏRBAYCANDIR!”

Millət vəkili Musa Urud yeni şeirini təqdim etdi: “QARABAĞ AZƏRBAYCANDIR!”

345
0
SHARE

Millət vəkili, şair Musa Urud (Quliyev) Vətənə, Qarabağın azad olunmasına həsr etdiyi yeni şeirini oxucularla bölüşüb, onu sosial şəbəkə hesabında paylaşıb.

Şeir “Qarabağ Azərbaycandır!” adlanır.

tan.az həmin şeiri təqdim edir:

Zülmət yaran oğullar döndü nura qayıtdıq

,Qarabağa qayıtdıq, Zəngəzura qayıtdıq.

Qəlbimizdə bir Kitab, iki Surə qayıtdıq:

Qarabağ Azərbaycandır!

Şükür sənə İlahi, Azan səsi eşitdik,

Qarabağda.30 il azan səsi eşitdik.

Şərəfli bir tarixi yazan səsi eşitdik:

Qarabağ Azərbaycandır!

Gözümüzdə qalmadı – arzu, muradı gördük,

“Qənimətlər parkı”nı, “Zəfər Paradı” gördük.

Dəmir yumruq , tunc inam, polad iradə gördük:

Qarabağ Azərbaycandır!

Dağı, daşı, meşəsi, səması da bizimdir,

Odu, suyu , torpağı, havası da bizimdir.

Zəfərə gedən yolun Nidası da bizimdir:

Qarabağ Azərbaycandır!

Qarabağ bu millətin yeni qibləsi oldu.

Ata öyüdü oldu, ana duası oldu.

Ali Baş Komandanın zəfər müjdəsi oldu:

Qarabağ Azərbaycandır!!!