Home Cəmiyyət Xarici diplomları tanınan şəxslərin məlumatları “myGov” portalına əlavə edilib…

Xarici diplomları tanınan şəxslərin məlumatları “myGov” portalına əlavə edilib…

793
0
SHARE

Azərbaycan Respublikası ərazisində tanınan xarici diplomlar barədə məlumatlar “myGov” portalı vasitəsilə təklif olunan xidmətlərin siyahısına əlavə edilib.

Bu barədə AZƏRTAC-a Təhsildə Keyfiyyət Təminatı Agentliyindən (TKTA) məlumat verilib. Bildirilib ki, xüsusi veb-servis əsasında agentliyin elektron reyestri üzrə məlumatların “myGov” portalına ötürülməsi təmin edilib. Beləliklə, xarici ali təhsil ixtisasları Azərbaycan Respublikası ərazisində tanınan müvafiq diplom sahibləri haqqında məlumatların artıq portal vasitəsilə əldə olunması mümkün hesab edilir. Əlaqəli şəxslər portalda “Məlumatlarım” hissəsindən “Xarici diplomlarım” bölməsinə keçid edərək, xarici dövlətdə aldıqları ali təhsil ixtisasları haqqında zəruri məlumatları yükləyə bilərlər.

Qeyd edək ki, indiyədək xarici ali təhsil ixtisasları Azərbaycan Respublikası ərazisində tanınan müvafiq diplom sahibləri barədə məlumatların əldə olunması yalnız agentliyin “Azərbaycan Respublikası ərazisində tanınan xarici dövlətlərin ali təhsil müəssisələrinin diplomlarının sahibləri barədə məlumat bazası” vasitəsi ilə mümkün idi.