Azərbaycan və Rusiyanın xarici işlər nazirləri Dağlıq Qarabağ münaqişəsinin tənzimlənməsini müzakirə edəcək.
Trend bu barədə Rusiya Xarici İşlər Nazirliyinə istinadən məlumat verir.
Qeyd olunur ki, Rusiyanın xarici işlər naziri Sergey Lavrovun dəvəti ilə Azərbaycanın xarici işlər naziri Ceyhun Bayramov avqustun 26-da Rusiyaya rəsmi səfər edəcək.
Səfər çərçivəsində XİN rəhbərləri ikitərəfli əməkdaşlığın cari vəziyyəti və perspektivlərini, regional və beynəlxalq gündəliyin əsas aspektlərini, o cümlədən Dağlıq Qarabağ münaqişəsinin tənzimlənməsi məsələsini müzakirə edəcək.
Bundan başqa, C.Bayramovun Rusiya baş nazirinin müavini və digər rəsmi şəxslərlə görüşləri nəzərdə tutulub.
