Dünyanın bir çox nöqtəsində narahatlıqlar doğuran vəziyyət mövcuddur.
Trend-in məlumatına görə, bunu Roma papası I Fransisk Vatikanda akkreditasiya olunmuş diplomatik missiya nümayəndələri ilə görüşü zamanı deyib.
O bildirib ki, Mərkəzi Afrika Respublikası, Latın Amerikası kimi bölgələrdə siyasi və sosial gərginliklər narahatlıq doğurur:
“Mən həm də Koreya yarımadasındakı, eləcə də Cənubi Qafqazdakı vəziyyəti diqqətlə izləyirəm. Cənubi Qafqazda bir sıra dondurulmuş münaqişə mövcuddur ki, onlardan bəziləri ötən illərdə alovlanmaqla bütün regionda sabitik və təhlükəsizliyə təhdid törədir”.
