Türkiyə və Azərbaycan Silahlı qüvvələri onlara verilən bütün tapşırıqları yerinə yetirmək gücündə olduğunu göstəriblər.
Trend-in məlumatına görə, bunu Türkiyənin milli müdafiə naziri Hulusi Akar Qarsda keçirilən “Qış təlimi-2021” Türkiyə-Azərbaycan birgə hərbi təlimlərində çıxışı zamanı deyib.
O bildirib ki, Türkiyə və Azərbaycan ordusunun əməkdaşlıq etməsi çox vacibdir:
“Ölkələrimizin, xalqlarımızın müdafiəsi və təhlükəsizliyi üçün Türkiyə və Azərbaycan ordularına hər kəsin etibar etməli olduğunu göstərdik. Həm Türkiyə, həm də Azərbaycan Silahlı Qüvvələri həm təchizatı, həm də şəxsi heyətinin keyfiyyəti ilə quruda, dənizdə, havada, qışda, yayda, dağda, düzənlikdə bütün tapşırıqları yerinə yetirmək gücündə olduğunu göstərib”.
