Deputat Azər Badamov Zəfər Günü ərəfəsində 6 noyabr 2021-ci ildə cənab Prezident İlham Əliyevin müvafiq sərəncamıyla “Azərbaycan Bayrağı” Ordeni ilə təltif olunmuş, Qusar rayonunun Xürəl kəndindən Şuşa uğrunda döyüşlərdə qəhrəmancasına həlak olmuş 19 yaşlı əsgər Şixəliyev Anvar Vadimoviçin məzarını və ailəsini ziyarət etmişdir. Şəhidimiz gənc olmasına baxmayaraq Vətən müharibəsindəki döyüşlərdə göstərdiyi igidliyinə görə 5 medal və “Azərbaycan Bayrağı” Ordeni ilə təltif olunmuşdur. Allah şəhidlərimizə rəhmət eləsin!
Anım mərasimdən fotoları təqdim edirik:
Deputat 7 noyabr 2021-ci il tarixində isə Qusar rayonunun Əniğ kəndində Vətən müharibəsində qəhrəmancasına həlak olmuş leytenant Sərraf Murtuzəli oğlu İmaməliyev və MAXE Amrid Zaur oğlu Yunusovun adına tikilmiş şəhidlər xiyabanını ziyarət etmişdir. Daha sonra Millət vəkili leytenant Sərraf İmaməliyevin məzarını və ailəsini ziyarət etməklə şəhidimizin il mərasimində iştirak etmidir. Mərasimdə Müzəffər Ali Baş Komandan İlham Əliyevin rəhbərliyi altında imza atılmış Zəfərdən, şəhid ailələrinə dövlət qayğısından, şəhidin keçdiyi döyüş yolundan danışılmış, ruhuna dualar oxunmuşdur. Allah bütün şəhidlərimizə rəhmət eləsin!
Anım mərasimdən fotoları təqdim edirik:
