Türkiyənin şərqindəki Tunceli vilayətində Eren Kış antiterror əməliyyatının altıncı mərhələsi çərçivəsində 9 PKK terrorçusu zərərsizləşdirilib, yaraqlıların 140 sığınacağı məhv edilib, çoxlu sayda silah və sursat ələ keçirilib.
Tunceli vilayətinin Mercan bölgəsində PKK terror təşkilatı yaraqlılarına qarşı əməliyyatda 1060-a qədər xüsusi təyinatlı iştirak edir.
Terrorçuların cəmləşə biləcəyi ərazilərdə axtarışlara Daxili İşlər Nazirliyinin əməkdaşlarından ibarət 72 qrup cəlb olunub. Məhv edilən silahlılardan 5-i Türkiyə DİN xəttiylə axtarışda olan xüsusi təhlükəli terrorçular siyahısında olub.
Davam edən antiterror əməliyyatına hücum PUA-ları, hərbi helikopterlər və təyyarələr də cəlb olunub.
