Bakı. Trend:
Prezident İlham Əliyev Balakən, Qax, Şəki və Zaqatala rayonlarında əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında sərəncam imzalayıb.
Sərəncamda qeyd edilir ki, Balakən, Qax, Şəki və Zaqatala rayonlarının əhalisi 93014 nəfər olan 26 yaşayış məntəqəsində (siyahı əlavə olunur) əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün 28 ədəd subartezian quyusunun layihələndirilməsi və qazılması məqsədilə “Azərbaycan Respublikasının 2021-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.8.8-ci yarımbəndində göstərilmiş məbləğin 1,96 milyon manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılsın.
Maliyyə Nazirliyinə sərəncamda göstərilən məbləğdə maliyyələşməni təmin etmək, Nazirlər Kabinetinə bu Sərəncamdan irəli gələn məsələləri həll etmək tapşırılır.
| Sıra
№-si |
Rayonun
adı |
Quyuların
sayı, ədəd |
Yaşayış məntəqələrinin adı | Əhalinin sayı, nəfər |
| Balakən | 6 | Gərəkli kəndi | 3658 | |
| Hənifə kəndi | 4759 | |||
| Qaracabinə kəndi | 287 | |||
| Qullar kəndi | 5545 | |||
| Talalar kəndi | 3593 | |||
| Tülü kəndi | 6548 | |||
| Qax | 7 | Ağyazı kəndi | 630 | |
| Amanlı kəndi | 170 | |||
| Cəlayir kəndi | 1626 | |||
| Güllük kəndi | 2635 | |||
| Qaratala kəndi | 598 | |||
| Şıxlar kəndi | 267 | |||
| Tasmalı kəndi | 1728 | |||
| Şəki | 8 | Baş Zəyzid kəndi | 5472 | |
| Çapağan kəndi | 353 | |||
| İbrahimkənd kəndi (2 quyu) | 798 | |||
| Kiçik Dəhnə kəndi | 9331 | |||
| Küdürlü kəndi | 570 | |||
| Şəki şəhəri (121-ci kvartal) | 2000 | |||
| Vərəzət kəndi | 2038 | |||
| Zaqatala | 7 | Aşağı Tala kəndi (2 quyu) | 7372 | |
| Danaçı kəndi | 7931 | |||
| Əliabad qəsəbəsi | 11236 | |||
| Lahıc kəndi | 2105 | |||
| Muğanlı kəndi | 3020 | |||
| Yuxarı Tala kəndi | 8744 | |||
| Cəmi: | 28 | 26 | 93 014 | |
